حذرت  الإعلامية المصرية ياسمين عز، خلال إحدى حلقات برنامجها، الفنان محمد صبحي، بعد حديثه الأخير عن موسم الرياض.

وقالت: «عايز تقول رأيك الفني قول، لكن لما تيجي تتكلم عن بلد شقيق وعظيم زي السعودية، الزم حدودك، والتزم بالآداب والأخلاق اللي تربّينا عليها، واللي بتتشدق بيها طول الوقت».

وتابعت: «الزم حدودك واعرف بتقول إيه لما تتكلم عن أطهر بقاع الأرض، اللي يرقد فيها خير الأنام سيدنا محمد عليه الصلاة والسلام، أرض الحرمين، مهبط الوحي، قبلة الـ2 مليار مسلم. أنت بتتحدث عن أرض الرسول، ولازم تعرف كويس إنت بتقول إيه، لأن دي سقطة قوية في تاريخك كله. ولو الناقة عيب، ما كانش الله عز وجل قال على لسان نبيه: (دعوها فإنها مأمورة)».

وأضافت: «كفاية محاولات يائسة للتشتيت على قصة السائق ولفت الانتباه. فيلم بقاله شهرين، ليه قررت تتحفنا برأيك بعد موضوع السائق اللي كان بيجري وراك بالعربية؟ ما سمعناش صوتك ليه قبل كده؟ ما أسكت الله لك حسًّا وتصدر فتنة بين شعبين علشان ننسى واقعة السائق. ولازم تعرف إننا مش هننسى المنظر غير الإنساني».