كشف الفنان صبري عبد المنعم تفاصيل تعرضه للنصب، على يد أحد أصدقائه، بعدما أخبره بأنه يفكر ببيع شقته الخاصة حتى يوزع أموالها على أبنائه قبل وفاته.

وقال صبري عبد المنعم، في أول ظهور له بعد تعرضه للنصب: عملت عملية وركبت جهاز لتنظيم ضربات القلب، ولما خرجت من المستشفى قعدت في البيت لإني بتعرض لهزات صحية ونوع من الزهايمر المؤقت، ففي فترة مرضي طلبت من صديقي يبيع لي الشقة.

وتابع صبري عبد المنعم في حواره مع موقع القاهرة 24 : قلت لصاحبي عايز أسيب الفلوس للعيال دي اللي طلعت بيها من الدنيا، فقالي هشوف لك مشتري وخد مني العقود كلها، وجاب لي عقد إن فيه شركة سعودية اشترت الشقة، وثقت فيه وجاء في يوم قالي هيدولك شيك مصرفي مقبول الدفع، والبنك قِبل الشيك، وقالي هيتحصل بعد 45 يوم ما بين مصر والسعودية ووقعت على العقد، وكل شوية أسأل البنك يقولولي لسه، وبعد فترة البنك كلمني وقالولي الشيك في بيانات غلط ومش مضبوط، التوكيل أنا عامله لواحدة تانية مش الشركة وعرفت إني ضحية عملية نصب.