كشفت ريم طارق طليقة مطرب المهرجانات المصري حسن شاكوش، مفاجآت بشأن أسباب انفصالها عنه.

وقالت ريم خلال حوارها مع الإعلامية بسمة وهبة، ببرنامج 90 دقيقة على قناة المحور: كنا في نهار رمضان، وكان في ممثلة مشهورة عندها مشكلة صحية راح أكل معها في شاليه بالعين السخنة، ولما رجع البيت كتبت له وصلت يا حبيبي، مؤكدة أن بينهما علاقة.

وأضافت: قعدت 30 يوم في شهر رمضان أشوف حاجات زي كدة ومختلفة، وفي وقت من الأوقات الفنانة دي حبت تسمعني صوتها، كانوا مع بعض وقعدت تضحك، مشيرة إلى أن ثالث حرف من اسمها الراء.

وتابعت: سبب آخر، كنا في رمضان وكان يبث لايفات وقال لي سأحصل على هدايا عبارة عن مبالغ من المال، وكان يقول لي يحرم عليّ كل جنيه بيدخل من تيك توك، هاخده وهتبرع به لجمعيات خيرية للأطفال، فرحت عشان قالي إني اللي هتبرع، ولما اللايفات خلصت الموضوع اتنسى.. وأخد الفلوس.